සෑම වසරකම මැයි මස දෙවන සෙනසුරාදා දිනය සහ ඔක්තෝම්බර් මස දෙවන සෙනසුරාදා දිනයත් ලෝක පර්‍යටනික පක්ශී දිනය වශයෙන් නම්කර තිබේ.
මේ දින දෙකෙන් මෙරට තුල පර්‍යටනික පක්ශීන් බහුතරයක් රැඳී සිටින කාලයක සමරන්නේ ඔක්තෝම්බර් මස දිනය වුවත්,මෙම දින දෙකම පක්ශීන් සංරක්ශනය උදෙසා යොදාගත හැකි වේ.
මෙම වසරේ ලෝක පර්‍යටනික පක්ශි දිනයේ තේමාව වන්නේ "කෘමීන් රැකගමු,පර්‍යටනික පක්ශීන් රැකගමු Protect Insects,Protect Birds " යන්නයි.පර්‍යටනික පක්ශී විශේශ රාශියක් කෘමි භක්ශකයන් බැවින් එම පක්ශීන් ගේ පැවැත්ම උදෙසා කෘමීන් පැවතීමේ සහ ඒ නිසා පක්ශීන් වෙනුවෙන් කෘමීන් රැකගැනීමේ අවශ්‍යතාවය ජනතාවට අවධාරනය කිරීම මෙවර ලෝක පර්‍යටනික දිනයේ තේමාව වේ.
වසරක් පාසා ශ්‍රී ලංකාවට පැමිනෙන සංක්‍රමනික පක්ශී විශේශ අතුරින් විශල සංඛ්‍යාවක් කෘමීන් ගොදුරු කර ගන්නන් වේ.මේ අතරට නිල් කුරුමිනි කුරුල්ලා, වැහි ලිහිනියා,ඔලෙයියන්,හැලපෙන් දන්,ඇතැම් කුරුලු ගොයින්,හම්බු කුරුල්ලන් මෙන්ම වේග ලිහිනියන් සහ ඇතැම් මුහුදු ලිහිනින් අයත් වේ.
මෙම පක්ශින් මෙරට තුල ගෙවන කාලය තුල මොවුන් ගේ ආහාර සඳහා භාවිතා කිරීම වෙනුවෙන් හොඳ කෘමි ගහනයක් පැවතිය යුතු වේ.එහෙත් මෙරටේ කරන නිරීක්ශන අනුව තවත් කරුනක් පසක් වේ.
එය වන්නේ පර්‍යටනික පක්ශීන් විසින් කෘමීන් ආහාරයට ගෙන විනාශ කිරීම තුලින් බෝග පලිබෝධකයන් සැලකිය යුතු ප්‍රමානයක් මර්ධනය වන බවයි.
මෙසේ කෘමි පලිබෝධකයන් මර්ධ්ජනය කිරීමේ ලා කුඹුරුවල ඉපනැල්ලේ සිටින පුරුක් පනුවන් වැනි කෘමි පිලවුන් ආහාරයට ගන්නා හැල පෙන් දන්,ඔලෙයියන්,පියාඹන සුහුඹුල් පලිබෝධකයන් ගොදුරු කර ගන්නා කුරුමිනි කුරුල්ලන්,වැහි ලිහිනින් සහ කාගුල් ලිහිනියා වැනි මුහුදු ලිහිනිනුත් අයත් වේ.එමෙන්ම වැල් බෝග සහ පලතුරු ශාක වලට හානි කරන කෘමීන් ගොදුරු කර ගන්නා පර්‍යටනික කොහා විශේශ සහ මාරාවන් අයත් වේ.
මේ අනුව බලන කල අපට මෙවර පර්‍යටනික පක්ශී දිනයේ තේමාව මෙන්ම හානික කෘමීන් මර්ධනය වෙනුවෙන් පර්‍යටනික පක්ශීන් සලසන මෙහෙවරත් ඇගයීමට ලක්කල හැකි වේ.මෙම දෙවන කරුන මීලඟ පර්‍යටනික පක්ශී දිනයේදීද අවධාරනය කල හැකි වන්නකි.
✍️ ආචාර්ය / නීතීඥ ජගත් ගුණවර්ධන (පරිසරවේදී)
No comments:
Post a Comment