ලෝක මිහිතල දිනය (2018-04-22)

සංරක්ෂණයේ වැදගත්කම පිළිබඳව ප්‍රජාව දැනුම්වත් කරමින් පරිසරය ආරක්ෂා කිරීමේ පියවර දියත් කෙරෙන ලෝක මිහිතල දිනය අදට යෙදී තිබෙනවා.

1970 වසරේ අප්‍රේල් 22 වැනිදා ඇමරිකානු සෙනෙට් සභික ගේලෝඩ් නෙල්සන් විසින් මුලින්ම සංවිධාන කරන ලද මිහිතල දිනය දැන් වාර්ෂිකව ලොව පුරා සැමරෙනවා.

ඒ සඳහා මිලියන 200 ඉක්ම වූ ලෝකවාසීන් එක්වන අතර, ජගත් කාලගුණ සම්මුතීන් ක්‍රියාවට නැංවීමේ වැදගත්කම ඔවුන් එහිදී අවධාරණය කරනු ලබනවා.

මෙවර ලෝක මිහිතල දිනයේ තේමාව වන්නේ ලෝක උවදුරක් වී ඇති ප්ලාස්ටික් දූෂණය පිටුදැකීමයි.

(under the courtesy of hirunews.lk news web)

පොලිතින් සදහා ආදේශක ලෙස ජෛව හායනයට ලක්වන භාණ්ඩ නිෂ්පාදනකරුවන් වෙත කරනු ලබන මූල්‍ය සහනාධාර

මධ්‍යම පරිසර අධිකාරියමහවැලි සංවර්ධන හා පරිසර අමාත්‍යාංශයපොලිතින් සදහා ආදේශක ලෙස  ජෛව හායනයට ලක්වනභාණ්ඩ නිෂ්පාදනකරුවන් වෙත කරනු ලබනනිවේදනයයි.

1980 අංක 47 දරණ ජාතික පාරිසරක පනත යටතේ අංක 2034/ 33, 2034/34, 2034/35 හා 2017 සැප්තැම්බර් 01 දින දරණ ගැසට් නිවේදනයන් මගින් ප්‍රකාශිත නියෝග හා රෙගුලාසි ප්‍රකාරව සියළුම තහනම් පොලිතින් භාණ්ඩ සදහා ජෛව හායනයට ලක්වන භාණ්ඩ ආදේශයන් භාවිතා කළයුතු වේ.

ඒ අනුව 2018 අයවැය යෝජනාවලිය මගින් ජෛව හායනයට  ලක්වන භාණ්ඩ නිෂ්පාදකයන් සදහා පහත සහනයන් ලබා දීමට රජය විසින් තීරණය කර ඇත.
ජෛව හායනයට ලක්වන භාණ්ඩ නිෂ්පාදනය සදහා වූ යන්ත්‍රෝපකරණ ආනයනයේදී බදු සහන ලබාදීම
සුළු හා මධ්‍ය පරිමාණ කර්මාන්ත අංශයේ පොලිතින් භාණ්ඩ නිෂ්පාදනය කරනු ලබන යන්ත්‍ර සූත්‍ර ජෛව හායනයට ලක්වන භාණ්ඩ නිෂ්පාදනය කරනු ලබන යන්ත්‍ර සූත්‍ර බවට පරිවර්තනය කිරීම සදහා මූල්‍ය සහයෝගය ලබා දීම. ( මුළු පරිවර්තන වියදමෙන් 50% ක් රු: 200000/- ක උපරිමයකට යටත්ව)
 මෙම සහනයන් ලබා ගැනීම සදහා සියළු ජෛව හායනයට ලක්වන භාණ්ඩ නිෂ්පාදකයන් මධ්‍යම පරිසර අධිකාරිය වෙත අයදුම් කළ යුතු බව මෙයින් දන්වා සිටිමි.
වැඩිදුර විස්තර :  අධ්‍යක්ෂ, අපද්‍රව්‍ය කළමණාකරන ඒකකය, මධ්‍යම පරිසර අධිකාරිය.
දුරකථන අංක : 011-2882335 , 011- 2872278
අධ්‍යක්ෂ ජනරාල්,
මධ්‍යම පරිසර අධිකාරිය,