කෝට්ටයාවත්ත රාජකීය වෙදකම නව තාක්ෂණය ඔස්සේ ඉදිරියට ගෙන යන වෛද්ය විශාරද සඳුන් සරත් කෝට්ටයාවත්ත වෙද ඉසිවරයාණෝ පාරම්පරික කෝට්ටයාවත්ත වෙදකමෙහි දස්කම් විස්කම් ලොවට කියා දෙති.
රාවණා යුගය විසින් ශ්රී ලංකාවේ මනාව රෝපණය කළ පාරම්පරික හෙළවෙද පරපුර අතරින් අද ඉතිරිව ඇත්තේ ඉතාමත් අතළොස්සක් දෙනෙකි.
පාරම්පරික හෙළ වෙදකම පරපුරෙන් පරපුර විකාශනය වීමට අද සියලු කටයුතුවලදී රාජ්ය අනුග්රහය අත්යවශ්යය. වර්තමානයේදී ගැමි ජනතාව වෙනත් වෙදකම් පිළිබඳ යොමුවීමත් හා ස්වභාවික සිදුවන පරිසරය විනාශ වීම නිසා බටහිර වෛද්ය ක්රමවලට අත්යාවශ්ය වන ඔසු වර්ග හිඟවීම විදේශ රටවලින් ආනයනය සඳහා විදේශ විනිමය විශාල වශයෙන් වැයවීම වැනි හේතු සාධක බලපා ඇති නිසා හෙළ වෙදකමින් මදක් දුරස් වී ඇත.
එහෙත් මෙහි පැමිණ ඇති බාධක අභිබවා වසර දෙදහසකටත් වැඩි අතීතයක් ඇති ඈතට දිස්වෙන වෙද පරපුරක් අදටත් අප රට වෙනුවෙන් ඉමහත් කැපවීමකින් මහඟු සේවාවක් සැපයීම ප්රශංසනීය පිනකි.
අනුරපුර යුගයේදී වැඩ විසූ මලියදේව මහරහතන් වහන්සේටත් වැළඳුණු බඩේ අජීර්ණයකට ඔසු කැඳක් සාදා දී සුවපත් කළ සුළුගුලුවෙද පරපුරෙන් ආරම්භ වූ මෙම වෙද පරපුර නිකවැරටිය කෝට්ටයාවත්ත රාජකීය වෙද පරපුරයි. එදා මහරහතන් වහන්සේට එම ඔසු කැඳ සාදාදුන් මෙම පරපුරෙහි වත්මන් වෙද පරපුර ඉදිරියට පැවතෙයි.
ගම් නියම් ගම් සිසාරා විහිදගියා වු ඉමහත් ප්රසිද්ධියක් සහිත කෝට්ටයාවත්ත රජ පරපුර ලොව පුරා ගෙන ගිය වෛද්ය චක්රවර්තී ඩබ්.එම්. රංබණ්ඩා වෙද ඉසිවරයාණන් මෙලොව හැර ගියද එම නාමය රැකගෙන කටයුතු කරන පුත්රයා වන ඩබ්.එම්. ජයතිලක වෙද ඉසිවරයාණන් විසින් කරගෙන යනු ලබන්නේද ඉමහත් සේවාවකි. මෙය පිය පුතු දෙපළගේම ආශිර්වාදයෙන් මෙම කෝට්ටයාවත්ත වෙදකම ගමෙන් නගරයටත් නගරයෙන් මුළු ලොවටම බෙදා හැරෙන තවත් වෙද ඉසිවරයෙක් එම පරපුරෙන් බිහිවී ඇත. එම ඉසිවරයාණන් වන්නේ වෛද්ය සඳුන් සරත් ඉසිවරයාණෝය.
කෝට්ටයාවත්ත රාජකීය වෙදකම නව තාක්ෂණය ඔස්සේ ඉදිරියට ගෙන යන වෛද්ය විශාරද සඳුන් සරත් කෝට්ටයාවත්ත වෙද ඉසිවරයාණෝ පාරම්පරික කෝට්ටයාවත්ත වෙදකමෙහි දස්කම් විස්කම් ලොවට කියා දෙති. හෙළ වෙද අසපුවේ හා මහාචාර්ය නලින්ද සිල්වා මහතා වැනි වියතුන් හා එක්ව විවිධ පර්යේෂණ කරමින් නාගරික ජනතාවට මහත් සේවයක් සපයන 'වෛද්ය සඳුන් සරත්' කෝට්ටයාවත්ත ඉසිවරයාණන් හෙළ වෙදකමෙහි එදා මෙදා තුර පිළිබඳ ප්රකාශ කළේ මහත් අභිමානයකින් යුතුවය.
හෙළ වෙදකම පිළිබඳ පැහැදිලි කරන වෛද්ය සඳුන් සරත් මහතා,
මා හෙළ වෙදකම ආරම්භ කළ වසර 5 කාලය තුළ 12000කට බෙහෙත් කර තිබෙනවා. ඒ කාලය තුළ ඍෂි භාවිතය අනුව යමින් අත්දුටු ප්රත්යක්ෂ හා ඖෂධ බලය යොදාගෙන කරන වෛද්ය ක්රමයක් මම කරන්නේ. ආරම්භය අධ්යාත්මික හා ප්රත්යක්ෂතාවය යොදාගනිමින් ඍෂිවරුන් තුන්කල් බලා සියලුම සත්ත්වයාගේ නිරෝගීතාවය වෙනුවෙන් ගුණ නුවණ ප්රඥාව දිවැස යන ඍෂි ගුණයන්ගෙන් ප්රතිඵලයකි.
භෞතික තත්ත්වය පමණක් අප පිළිගන්නේ නැහැ. ඍෂිවරුන් තුන්කල් බලා හෙළවෙදකම ලෝකයට දායාද කර තිබෙන්නේ පුස්කොළ පොත්වල රන්පත්වල ලිව්වේ. ශිෂ්ය වෛද්යවරුන්ට කියා දුන්නේ මොන ක්රමයට බැලුවත් පංච භූතයන්ගෙන් සැදුණු ශරීරය වා පිත් සෙම් එහි වෙනස්වීම මනාව හඳුනාගැනීමෙන් මිනිස් සිරුරේ රෝග ඇති හෝ නැති බව හඳුනාගත හැකි බවයි. දශවිද පරීක්ෂණ ක්රම මඟින් තමයි රෝග නිර්ණය කරන්නේ. ඒ අතර වෙද පරපුරේ වැඩි වශයෙන් භාවිතා වන්නේ නාඩි හා ආකාති ප්රශ්න හා තාරකා පරීක්ෂාවන් මඟින් වා පිත් සෙම් ගෙඩි නාඩි බැලීමේදී කෙතරම් දුරට කෝල සන්නි වලිප්පු සෑදී ඇත්දැයි බැලිය හැකි වෙනවා. වෙද මහතෙකුට හැරෙන්නට මේවා තේරුම් ගැනීම අපහසුයි. කොහොම වුවත් තාරකා පරීක්ෂණ ඉතා වටිනවා. ඔෟෂධ ලබාදී දින 14ක් හෝ දින 30කින් පසුව රෝගියා නැවත පරීක්ෂා කර බලා ඖෂධ ශරීරයට කෙසේ බලපානවාද කෙතරම් කාලයක් නිට්ඨාවට සුවවීමට ගත වෙනවාද සත්ය අසත්ය ගැන රෝගියා කෙතරම් ආරක්ෂා කරනවාදැයි දැනගත හැකි වෙනවා. බටහිර වෛද්ය ක්රමය සර්ව බලධාරි යැයි සිතා අධිකාරියක් ලෙස අප පිළිගන්න සූදානම් නැහැ. එයත් වර්තමානයේ ප්රයෝජනවත් වෛද්ය ක්රමයක් වේවි.
වර්තමානයේ විද්යාත්මක ක්රමය යම් යම් දේවලට උපයෝගි වෙනවා. නමුත් සුව කළ නොහැකියි. බෙහෙත් නැති රෝග අප සුවපත් කළත් කිසිදා ඔවුන් පිළිගන්නේ නැහැ. සාධාරණ විශ්ලේෂණයක් නොකර සම්පූර්ණයෙන්ම ප්රතික්ෂේප කරනවා. හෙළ වෙදකමෙන් රෝග සුවපත් නොවෙනවා කියන අයට අභියෝග කරන්න කැමතියි.
ඉංග්රීසි වෙදකම වෙනුවෙන් ඖෂධ එකකට වියදම් කරන මුදල වසර 10කට හෙළ වෙදකම වෛද්යවරුන්ගේ උපදෙස් මත වියදම් කරල අවස්ථාවක් දුන්නොත් මුළු ලෝකයටම ආදර්ශයක් දෙන්න පුළුවන් වෙනවා.
මෙම සේවාවෙන් හරිම තෘප්තියක් ලැබිය හැකි වෙනවා. නා උයනේ අරියධම්ම හිමි කොළඹ සම්බෝධි විහාරයේ අමිතා දසසිල් මාතාව ඇතුළු භික්ෂූන් වහන්සේලා බොහෝ දෙනෙකුට ප්රතිකාර කර තිබෙනවා. තවද ඕවිටිගල ආරණ්යයේ 2015 වර්ෂයේ මහ හෙළ වෙදපති යනුවෙන් නස්නස් පත්රයක් අරියධම්ම ස්වාමීන් වහන්සේ විසින් තවත් භික්ෂූන් වහන්සේලා 400 නමකගෙන් යුතුව පරිත්යාග කර තිබෙනවා.
තවද දසසිල් මාතාවක් වන අමිතා සිල් මාතාවට අසාධ්ය රෝගී තත්ත්වයෙදී පෞද්ගලික රෝහලක ප්රතිකාර ගැනීමට ගිය අවස්ථාවක වෛද්යවරුන්ගේ ප්රකාශය වී තිබෙන්නේ අසනීපය සුව කරන්න අපහසුයි කියන අවස්ථාවක හෙළ වෙදකමින් සුවපත් වී අදටත් පිළිවෙත් පුරමින් සුවපත් දිවියක් ගත කරනවා.
විවාහ වී සිටින කාන්තාවන් 5000 අධික ප්රමාණයක ගර්භාෂ ආශ්රිත අසනීප. ඒ වගේම පාසල් ළමුන්ගේ හිසේ හට ගත් ගෙඩි සුවපත් කර ඇති සඳුන් සරත් මහතා වැඩිදුරටත් පවසා සිටියේ මෙම කටයුතුවලදී බිරිඳගෙන් නොමසුරු සහය ලැබෙන බවයි.
අද රටේ විශාල ප්රශ්නයක් වී තිබෙන වකුගඩු රෝගය ඇතුළුබොහෝ රෝගවලට මුල් වී තිබෙන වස විස භාවිතය පිළිබඳ අධ්යාපනික හා පරීක්ෂණ කළ ආචාර්ය නලින්ද සිල්වා මහතා ඇතුළු කණ්ඩායමක් මඟින් නොයෙක් දේශන වලින් හා පොත් වලින් විශාල පරිශ්රමයක් දැරුවා එය අපද අගය කළ යුතු වෙනවා. එතුමාගේ සායනවලට දහසකටත් අධික පිරිසක් ප්රතිකාර සඳහා පැමිණෙනවා. රෝගීන් සුවපත් කරනවා විනා වරප්රසාද කවර කළෙකවත් බලාපොරොත්තු වෙන්නේ නැති ආචාර්ය නලින්ද සිල්වා මහතා ජංගම වෛද්ය සායන තිබුණ. එහෙම අදහස් ඇති එවැනි අය අද බොහෝ අඩුයි. මෙවැනි අය පිළිබඳ සිහිපත් කළ යුතුව තිබෙනවා.
අද මෙම රෝගවලට බෙහෙත් වෙළෙඳ පළෙන් ලබා ගන්නට අපහසුයි. නමුත් නිකවැරටිය ප්රදේශයේ ඔසු උයන් බොහොමයක් තිබෙනවා. ඉඩම් අක්කර 100 පමණ භූමියක ඇති බෙහෙත් ඖෂධ ලබා ගන්නවා. එයින් නැවුම් පත්ර යුෂ මුල් යොදාගෙන කරන මේ ප්රතිකර්ම ක්රමය ස්වභාවධර්මයත් එක්ක මිනිසාට බද්ධ කරනවා.
එයින් කෙරෙන වෙදකමෙන් කිසිවිටෙකත් අතුරු ආබාධ ඇති වෙන්නේ නැහැ. වෛද්ය උපදෙස් මත පන්තිය රැකලා බෙහෙත් පාවිච්චි කළොත් සුව කරන්න අපහසුයි කියන අසනීප හෙළ වෙදකමින් නිශ්ඨාවට සුවපත් කරන්න පුළුවන් වෙනවා. එය ප්රත්යක්ෂයි. සත්යයි" යනුවෙන් වෛද්ය සඳුන් සරත් මහතා පැවසීය.
මෙම වෙද ක්රමයේදී අලුත් කොළ පොතු ඔසු උයන්වලින් ලබා ගන්නවා හැරෙන්නට අනෙකුත් ඖෂධ වර්ග රත්හිරිගල් මනෝසීල කස්තුරි ගොරෝචන ඇතුළු ඖෂධ කිහිපයක් ගෙන්වාගැනීමට කටයුතු කරනවා. මෙම හෙළ වෙදකමේ විශේෂය වන්නේ නැමුම් ඔසු වෙදපරපුරේ අය විසින්ම නිසි ක්රමයට සාදා ඇති ඖෂධ රෝගීන්ට ලබාදීමයි.
තවද නැකැත් අනුව ඖෂධ ලබාගෙන අධ්යාත්මික ශක්තියද මුසුව වෛද්යාචාර්ය මහතුන්ගේ අත්ගුණයෙන් ඖෂධ නිෂ්පාදනය කිරීම තවත් විශේෂත්වයකි.
හෙළ වෙදකමෙහි ජනතාවගේ මතයක් තිබෙනවා මෙම ඖෂධීය වර්ගවලින් අක්මාව හා වකුගඩු නරක්වන බව. නොයෙක් මත දැරුවත් කවර කලකවත් නරක් නොවන බව පවසන සඳුන් සරත් මහතා කියා සිටින්නේ සීනි යොදලා පල් කරලා ඖෂධ වර්ග නිෂ්පාදනය නොකරන බවයි.
එවැනි හෙළ වෙදකම ලොවට කියන විට එය සවන් යොමන ගුණ නුවණ යුතුව ඇති මෙය ගැන ඇල්මක් දක්වන ජනතාව ප්රතිකාර ගැනීම සඳහා වෛද්ය මධ්යස්ථාන කිහිපයක්ම ඇත. මෙම සායන කොළඹ 10, කඩවත, මිගමුව, අනුරාධපුරය ප්රදේශවල පැවැත්වේ.
මේ පිළිබඳ වැඩි විස්තර 0774135584/0775268782 දුරකතන අංක මඟින් ලබාගත හැකිය.
උපුටා ගැනීම -
දිනමිණ http://www.dinamina.lk/
