අන්තර්ජාතික කපුටන් ඇගයීමේ දිනය අප්‍රේල් 27ට යෙදී ඇත.
( International Crow and Raven Appreciation Day )
ලොව පුරා වෙසෙන කපුටු විශේෂයන් සහ Raven පක්ෂීන් සිදු කරන පාරිසරික මෙහෙවර ඇගයීමට ලක් කිරීම සඳහා මේ දිනය නම් කර තිබේ.
මෙම පක්ෂීන් අතීතයේ පටන් විවිධ මත සහ මිථ්‍යාවන් නිසා බොහෝ රටවල ජනතාව විසින් අකමැති සහ බිය දනවන සුළු කොට්ඨාශයක් ලෙස සලකා ඇත. එසේම ඔවුන් විසින් අනෙකුත් සතුන් දඩයම් කිරීම නිසා තවත් අයගේ අකමැත්තට ලක් වී තිබේ.
එසේ වුවද මෙම පක්ෂීන් පරිසරයට එකතු වන සත්ත්ව මල සිරුරු, සත්ව කොටස්, ඉවතලන ආහාර ද්‍රව්‍ය සහ තවත් ශාක කොටස් යනාදිය මත යැපීම මත ඉතා වටිනා කසල ශෝධක කාර්ය භාරයක් ඉටු කර පරිසරය පිරිසිදු තත්ත්වයෙන් පවත්වාගෙන යාමට විශාල දායකත්වයක් ලබා දෙන්නන් වේ.
එසේම මොව්හු පරිසරයේ සිටින භෝග පලිබෝධකයන් වැනි අහිතකර සතුන් ගොදුරු කර ගැනීම නිසාත් විශාල සේවයක් සිදු කරයි.
ශ්‍රී ලංකාවේ කපුටන් කොහා හෙවත් කෝකිලයාගේ ධාරක පක්ෂීන් ලෙස එම පක්ෂියාගේ පැවැත්ම සඳහා අත්‍යවශ්‍ය මෙහෙයක් ඉටු කරයි.
එසේ වුවද කපුටන් නිසා වෙනත් පක්ෂීන් මෙන්ම කුඩා සතුන් විනාශ වීම සහ නාගරික ප්‍රදේශවල මංමාවත් අපවිත්‍ර වීම වැනි අහිතකර තත්ත්වයන් පවතී. මීට ප්‍රධාන හේතුව වී ඇත්තේ විවෘත අපද්‍රව්‍ය බැහැර කිරීම නිසා නාගරික ප්‍රදේශවල කපුටු ගහනය විශාල ලෙස ඉහළ යාමත් ඔවුන් එම නගරවල ඇති ගස් රාත්‍රී ලැගුම් ස්ථාන ලෙස භාවිතා කිරීම වේ.
ශ්‍රී ලංකාවේ කපුටන් විශේෂ දෙකක් හමුවේ. නමුත් Raven පක්ෂීන් හමු නොවේ. ඒ නිසා අන්තර්ජාතික කපුටන් ඇගයීමේ දිනය වෙනුවෙන් අපට ඇගයීමට ලක් කළ හැකි වන්නේ පක්‍ෂි විශේෂ දෙකක කාර්ය භාරය ව
ශ්‍රී ලංකාවේ සිටින කපුටන් විශේෂ දෙකෙන් වඩාත් සුලභ සහ වැඩි ව්‍යාප්තියක් සහිත විශේශය වන කොලඹ කාක්කා හෙවත් කොලඹ කපුටා හෙවත් ගෙල අලු කපුටා (Grey-necked Crow / House Crow) දෙවන ඡායාරූපයේ දැක්වේ.
** මෙම දිනය වෙනුවෙන් ආකර්ෂණීය තේමා රූපයක් නිර්මාණය කළ විහගා නවරත්න මෙනවියට කෘතඥතාවය පිරිනමන්නෙමු.
✍️ආචාර්ය ජගත් ගුණවර්ධන (නීතීඥ / පරසරවේදී)
No comments:
Post a Comment